Aisa Nahi K Hum Ko Dosti Nahi Mili

Aisa Nahi K Hum Ko Dosti Nahi Mili
Jaisi Chahtey The Hum Woh Ulfat Nahi Mili,

Milney Ko Zindgi Main Kahin Hum-Safar Miley
Per Un Ki Tabiyat Se Tabiyat Nahi Mili,

Chehroon Main Doosroo Ke Tumhain Doondtey Rahey
Surat Nahi Mili Kahin Seerat Nahi Mili,

Bohat Dair Se Aaya Tu Mere Paas Kiya Kahoon
Alfaaz Doondney Ki Bhi Mohlat Nahi Mili,

Tujh Ko Geela Raha Ke Tawajja Na Di Tujhey
Lekin Humain Khud Apni Rafaqat Nahi Mili,

Her Shaks Zindgi Main Bohat Dair Se Mila
Koi Bhi Cheez Waqt-e-Zaroorat Nahi Mili,

Hum Ko To Teri Aadat Achi Lagi magar
Afsoos K Tujh Se Meri Aadat Nahi Mili...